Egileak: Vanesa Fernández Guerra, Miren Gabantxo Uriagereka (arg)
Argitaletxea: UPV/EHU, 2013
Orrialde kopurua: 167
ISBN: 978-84-9860-887-8
Ezaugarriak:
Honako argitalpen hau Lurraldeak eta Mugaldeak. Esperientzia dokumental
garaikideak diziplina arteko proiektuaren ekimen bat da, 2009an UPV/EHUko irakasle
talde batek abiatu zuena. Lurraldeak eta Mugaldeak proiektua zine mota honetan
lan egiten duten zinegileen pantaila eta topagunea bihurtu da, haien eta euren lana
aztertzen duten kritiko eta akademikoen arteko elkarriketa eta sinergia sustatu baitu
urtetik urtera.
Hain zuzen ere, liburu honen jatorria Euskal Herriko Unibertsitateak (UPV/EHU) 2010
eta 2011 bitartean antolatutako unibertsitate hedapeneko ikastaro batzuetan aurki
daiteke. Eta haiekin batera, ondoren hartutako kafetan, elkarren artean trukatutako
emailetan eta konpainia onean emandako denboratan ere. Hartara, testu hauek
zerbait badira, ekilibrista batzuk elkartzearen emaitza dira, zinemaren mundukoak
batzuk eta unibertsitatekoak besteak, zeinentzat oso garrantzisua den zenbait egile eta
haien obrak arlo akademikoan izatea.
Horrela bada, Lurraldeak eta Mugaldeak: esperientzia dokumental garaikideak
liburuak espainiar zinearen historiografian orain arte lekurik izan ez duten autoreak eta
obrak bildu eta haiei ikusgarritasuna eman nahi izan die, baita iparrorratza eskaini ere
zine dokumentalaren labirintoaren barrena ibili nahiko duen edonori: gogoa piztuko
dioten esperantzez betea aurkituko du hura, baina baita zalantzez gurutzatua ere. Izan
ere, azken finean, liburuan aurkituko duena, elkarrekin (elkarri) idazten duten (dioten)
zuzendariak, irakasleak eta kritikoak izango dira.
Testuak:
Santos Zunzunegui, Vanesa Fernández, Miren Gabantxo, Jorge Oter, Germán
Rodríguez, Eulàlia Iglesias, Isaki Lacuesta, Víctor Iriarte, J.M. Català, León Siminiani,
Lluís Escartín, Josetxo Cerdán, Gonzalo de Pedro, Los Hijos Kolektiboa (Javier
Fernández, Luís López y Natalia Marín), weareQQ Kolektiboa (Usue Arrieta y Vicente
Vázquez), Rivet (Sarah Demeuse eta Manuela Moscoso), Andrés Duque eta Virginia
García del Pino.
Euskonews-en zure iritzien berri izan nahi dugu. Bidal itzazu!
Euskonews aldizkarian parte hartu nahi al duzu?
Artetsu Saria 2005
Arbaso Elkarteak Eusko Ikaskuntzari 2005eko Artetsu sarietako bat eman dio Euskonewseko Artisautza atalarengatik
Buber Saria 2003
On line komunikabide onenari Buber Saria 2003. Euskonews
Argia Saria 1999
Astekari elektronikoari Merezimenduzko Saria
